好感動嘅短片!

以我一向都係重家庭、重親情嘅人看完呢個短片，真係喊到收唔到聲。

已經一年喇﹗

一年前唔開心嘅事，唔經唔覺都已經一年了。

我之前其實內心都鬥爭咗好耐，好唔好send個sms比佢祝佢生日快樂，到最後都係無做，好開心，自己真係可以做得到，既然都知道結果，點解仲要比人hurt多次呢﹗我相信對佢完完全全放下，比多少少時間我，我一定做得到﹗加油﹗

食神駕到

一到年尾，日日都係食食食，本來已經好肥，而家仲更加肥呀﹗救命﹗

星期五果日都係第一次參加CB CLUB嘅聚會，今次係食團年。除咗抽中咗CASH開心之外，其實氣氛都好重要，由頭笑到尾，真係好開心架﹗

尋日就CHRIS請食公司團年，本來BOOK咗8點半，點知等到9點3先有得入，都唔緊要，食個$4288套餐，竟然話冇乳豬，改併盤，但又唔會減錢，食完魚翅又停晒，追佢幾次先知師父以為黎晒，之後果D冇整到，又叫我哋改其他野食，總知個雞轉咗帶子西蘭花，生炒糥米飯又變咗楊洲炒飯，七食完都已經12:30，不過食物都OK架。

至於今晚就要同屋企人去龍華食團年飯，希望唔會好似尋日咁啦﹗

無啦啦玩足一天

尋日約咗lailai去咗剪頭髮，剪完都二點，跟住同Tiona & Lailai去飲荼，突然有人提議去唱K，我哋去咗一個懷舊金曲夜，唔舊唔唱，真係好鬼開心，平日我去K一定係瞓覺，點知我差D唔肯放底個咪，痴咗線﹗最後仲要等埋老公一齊去打冷，真係好鬼開心，好耐冇試過呀﹗

忙裡偷閒

好耐都冇同老公一齊放假，倆口子一早返工時間出門口扮返工，返咗大陸揼骨。再去尖沙咀行1881，佢話果度夜晚會好靚，咁就去行吓啦，都ok啦，不過好似細咗d﹗行完再去旺角食鐵板燒，又係一餐好飽嘅晚餐.....

另，今日下午土瓜灣有幢舊樓倒塌，有3死2失蹤，有好多人無家可歸，真係好慘﹗希望死者家屬能夠節哀順變，面對未來，好好生活﹗而無咗家園嘅人，希望政府可以幫到佢哋啦﹗

家姐的生日派對

姐夫為家姐準備咗一個神秘生日派對，早幾星期已經約咗我哋﹗到尾二果日終於都比爸爸爆咗少少出黎，好搞笑﹗去到樓下佢自己又爆晒出黎，哈哈哈﹗原來大話真係唔好講呀﹗我哋去荃灣黃仔味工房食日式私房菜，食咗一個超飽又好食嘅晚餐﹗D刺身都好新鮮，尤其是果個另加嘅蠔同埋時令海膽，真係超讚﹗最後係送禮物時間，緯哥送咗個LV袋同電話比靜儀，開心到佢吖﹗我並不是用禮物嘅價值去衡量，而係一個心，因為知佢老婆好買個袋﹗

另，之前我同緯哥講不如我哋自己比返啦，一個人比好貴架﹗佢話:我以前冇能力就話唔得姐，而家我得就等我黎啦﹗我好早前都已經覺得好少男人可以好似緯哥咁，真正做到愛屋及烏架，但係佢得囉，無論關於我哋屋企嘅大事小事都好盡心，好樂意去做﹗而且我都未見過佢有埋怨過(當然唔包括柏熙啦﹗)。

我祝佢哋一家永遠都開心快樂﹗

午餐

一班舊同事公司搬到附近，約咗今日食個lunch，一行11人，本來有我好友R先生，點知佢有客黎咗，黎唔到，真係有D失望，因為真係好耐冇見喇﹗如果要約佢，又要等多兩個星期。可能冇咗佢，個飯局真係有D悶，如果佢有到，真係好好好好多架﹗希望盡快同佢食到個飯啦﹗

信者得愛

近期我最愛嘅歌，直頭聽好多好多次仲未厭﹗超讚﹗

信者得愛

歌手：MC Yan 鄭秀文
作曲：Kim Do Hoon
填詞：陳少琪/ mc仁

You know I got this
Let's Go! Live your life up day and night!
It's so high high high
Let's get it going, Let's get it going up
It's so high high high
You're gonna get go, Let's get it going up

當你多麼多麼仇視著世界
這一切 節奏太快 快到個性被分解
(you gotta stand in line)
種種天災令大地像洩氣車胎
氧氣要購買 快滅絕美好生態 oh

別怨新聞這麼假
(那需挑剔)天色這麼差
相信愛可統領天下
(put‘em up put‘em up)
別怪煙花這麼花
(每一點愛)可修補傷疤
將那黑色世代轉化 wo…oh

機關槍 坦克車 狂亂地跳舞
戰爭裡 世界痛了信仰那會被打倒
(It's time you live it up)
空中花園傲慢極沒法夠天高
慾念是甚麼 信念就是我的禱告 oh
別怨新聞這麼假
(那需挑剔)天色這麼差
相信愛可統領天下
(put‘em up put‘em up)
別怪煙花這麼花
(每一點愛)可修補傷疤
將那黑色世代轉化 wo…oh

無論寸步難行 仍舊張開雙眼
用你心感應天父衪 oh oh oh oh

有愛武器會軟化 掌握手中的十架
盡力量感染著世人吧 ah

RAP

睇唔見嘅士兵 聽唔見嘅叫聲
遮唔住嘅眼睛 等唔見嘅救星
究竟聖經已指引一條點樣嘅路
諗唔到點解仲無人知道點樣去做
你睇到毀滅定睇到創造
肯跪低嘅話會睇到一條光明嘅路
真理生命就有最美好引渡
信望愛取決咗你嘅下一步

別怨新聞這麼假
(那需挑剔)天色這麼差
相信愛可統領天下
(put‘em up put‘em up)
別怪煙花這麼花
(每一點愛)可修補傷疤
將那黑色世代轉化 wo…oh

天意﹗

haha...今日又冇去funky喇﹗本來已經有好大掙扎，想去又想唔去，終於都換好衫放工，點知等到6點半都未有車，好，決定唔好，即刻打比lailai去食譚仔，原來個天都唔想我去funky呀今日﹗hahahaha....低能的想法

另，我今晚好開心，因為收到菲小姐剛落機嘅電話，有d"鍋"心嘅感覺﹗

有好轉

唉﹗病咗咁鬼耐，終於都有好轉﹗真係好多謝劉醫師喇﹗

有時真係唔係好明白d老人家諗咩﹗明明之前係叫房屋署黎睇老公個衣櫃d白蟻家嘛，點知果個奶奶只係叫人睇廁所果d白蟻，完全冇理會到個衣櫃，佢又唔係唔記得，唔係佢今日唔講真係唔知佢跟本冇講到，唔通個衣櫃唔緊要得個廁所？上次佢個衣櫃有，我哋都叫人即刻睇啦，佢真係怪人一個﹗

十大勁歌金曲

尋晚一路上網一路聽電視嘅十大勁歌金曲，結果都係如想像中啦﹗英皇頒獎曲禮，又或者係容祖兒頒獎曲禮，可能我唔like容祖兒呀古巨基啦，真係唔係咁好睇﹗最搞笑都係林峯，得「亞太男歌星」獎，點呀？？何得何能呀？？而家嘅頒獎曲禮都唔似以前咁，以前得獎果d歌真係好野，而家就.....

重新開始

一個新嘅開始﹗

之前都有寫Blog，不過唔係常寫﹗之前有一件好唔開心嘅事，而令到個blog好似好慘咁﹗我而家要將果件事拋開，開始我人生新嘅一頁﹗